Бентли реванш талап етті: Әлімханұлымен екінші жекпе-жек өтпек пе?
Фото: Boxing News 24
Орта салмақта IBF және WBO белбеулерінің иегері Жәнібек Әлімханұлына бұрынғы қарсыласы Дензел Бентли қайта жекпе-жек өткізуді ұсынып отыр. Ұлыбританиялық боксшының промоутері Фрэнк Уоррен бұл талапты WBO ұйымы арқылы ресми түрде өткізуге бекініп отыр.
«Дензел биыл ешқандай жекпе-жек өткізген жоқ. Ол өз кезегін күтіп жүр. Енді уақытты созбай, нақты шешімнің мерзімін анықтауымыз керек. Бұл жекпе-жек жылдың соңына дейін өтуі тиіс», – деді Уоррен vRINGe сайтына берген сұхбатында.
Айта кетейік, Жәнібек 5 сәуір күні француз боксшысы Анауэль Нгамиссенгамен жұдырықтасып, чемпиондық белбеулерін ерікті түрде қорғап қалған болатын. Ал Уоррен болса, бұл жолы міндетті қорғау қажет деп санайды.
Еске салайық, Жәнібек пен Бентли 2022 жылдың 12 қарашасында кездесіп, сол жекпе-жекте қазақ боксшысы төрешілер шешімімен жеңіске жеткен еді.
Айбар Рысдаулет
«ПСЖ» Чемпиондар лигасынан €148,4 млн табыс тапты
Рыбакина «Ролан Гарроспен» қош айтысты