«Барыс» америкалық қорғаушыны қатарға қосты
Фото: Шайба.kz
Астананың «Барыс» клубы америкалық қорғаушы Райли Уолшпен келісімшартқа отырды. Мерзімі бір жылдық болып, 2026 жылдың 31 мамырына дейін жалғасады, деп хабарлайды Pin-UpSport.kz.
Уолш 2017 жылы НХЛ драфтында «Нью-Джерсидің» таңдауы болды. Ол кәсіби мансабын түгелдей Солтүстік Америкада өткізген. Өткен маусымда «Лос-Анджелес Кингздің» фарм-клубы «Онтарио Рейн» сапында 72 ойынға қатысып, 32 (6+26) ұпай жинады.
Жалпы АХЛ лигасында қорғаушы 317 матч өткізіп, 168 (42+126) нәтижелі балл иеленді. Райли Уолш 1999 жылдың 21 сәуірінде туған, бойы – 183 см, салмағы – 84 кг, оң қолмен ойнайды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
