«Барселона» тарихи финалда «Реалды» жеңіп, Испания кубогын иеленді
Фото: FC Barcelona
«Барселона» Испания кубогының финалында мадридтік «Реалды» қосымша уақытта 3:2 есебімен жеңіп, өзінің 32-ші трофейін еншіледі. Финал Севильяда өтіп, аса тартысты әрі драмалық сипатта өтті. Негізгі уақыт 2:2 есебімен аяқталып, шешуші голды овертаймда Жюль Кунде соқты.
Ойын соңында алаңда үлкен эмоциялар орын алды. Бас төреші Рикардо де Бургос Бенгоэчеа VAR көмегімен «Реал» қақпасына белгіленген пенальтиді қайтарып, матч соңынан кейін Джуд Беллингем, Лукас Васкес және Антонио Рюдигерге қызыл карточка көрсетті. Рюдигерге 12 ойынға дисквалификация қаупі төніп тұр.
Бұл «Барселона» мен «Реалдың» сегізінші Кубок Испания финалы болды. Каталондықтар осы маусымда қарсыласын үш рет қатарынан жеңіп, үш бірдей турнирде жеңіс үшін күресті жалғастырып жатыр.
Айбар Рысдаулет
Винисиус кетсе, «Реал» Холландқа қол созуы мүмкін
Қазақстан құрамасы Минскіде Беларусьпен жолдастық матч өткізеді