«Барселона» УЕФА-ға «Атлетикоға» қарсы матчтардағы төрешілікке шағым түсірді
Фото: LiveResult
«Барселона» Чемпиондар лигасының ширек финалында «Атлетикоға» қарсы өткен ойындардағы төрешілердің жұмысына қатысты УЕФА-ға ресми түрде шағым жолдады, деп хабарлайды Pin-UpSport.kz. Клуб екі кездесудегі шешімдерге наразылық білдірді.
Алғашқы шағым 9 сәуір күні бірінші матчтан кейін берілді, онда «Атлетико» 2:0 есебімен жеңіске жеткен. Кейін каталондық клуб жауапты ойыннан соң тағы бір шағым түсірді, бұл кездесуде «Барселона» 2:1 есебімен жеңіске жетті.
Клубтың ресми мәлімдемесінде екі ойында да төрешілердің бірқатар шешімдері ойын ережелеріне қайшы болғаны айтылған. «Барселона» бұл жағдайды ережелерді дұрыс қолданбау және VAR жүйесінің маңызды сәттерде жеткілікті деңгейде араласпауымен байланыстырады.
«ФК «Барселона» пікірінше, бұл қателіктердің жиынтығы матчтардың барысына және қорытынды нәтижесіне тікелей әсер етіп, клубқа спорттық және қаржылық тұрғыда айтарлықтай зиян келтірді», — делінген мәлімдемеде.
Айбар Рысдаулет
Лионель Месси «Корнелья» клубын сатып алды
«Барселона» бразилиялық футболшы бойынша келіссөздерді жеделдетуде