Азияны мойындатқан арулар: 12 қыздың 12-сі де финалда, 9-ы чемпион атанды
Фото: kazsports.kz
10–24 мамыр аралығында Шри-Ланка астанасы Коломбо қаласында өткен бокстан U22 Азия чемпионатында әйелдер құрамасы жарқын нәтиже көрсетті. ҚР Туризм және спорт министрлігіне қарасты Спортты дамыту дирекциясының мәліметінше, 12 салмақта бақ сынаған барлық спортшымыз финалға шықты.
Жеңіл салмақтағы үш жекпе-жекте жеңісті уыстан шығарып алдық. Алайда қалған тоғыз финалда қарсыластарға еш мүмкіндік берген жоқпыз. Оның үстіне жеті кездесуде төреші айқасты мерзімінен бұрын тоқтатуға мәжбүр болды.
Жалпы есепте Қазақстан 9 алтынмен көш бастады. Вьетнам екі алтын еншілесе, Үндістан (бейтарап мәртебеде) бір алтынмен шектелді. Жарыс жеңімпаздарына Халықаралық бокс федерациясы 1000 доллардан қаржылай сыйақы берді. Күміс жүлдегерлер – 500, қола алғандар – 250 доллардан иеленді.
