«Астана» – «Лозанна» матчының тікелей трансляциясы
Фото: ФК «Астана»
14 тамыз, бейсенбі күні елордада Лига конференциясының үшінші іріктеу кезеңіндегі қарымта матчта «Астана» Швейцарияның «Лозанна» клубын қабылдайды, деп хабарлайды Pin-UpSport.kz.
Ойынды Астана уақытымен 19:00-де «Qazsport» арнасынан тікелей эфирде көруге болады.
Алғашқы кездесу Лозанна қаласында өтіп, алаң иелері 3:1 есебімен жеңіске жетті. Швейцария командасынан Джейми Роше, Мамаду Кали Сене және Албан Айдини гол соқса, «Астананың» жалғыз добын Иван Башич еншілеген.
Бұл жұптың жеңімпазы плей-офф кезеңінде Түркияның «Бешикташы» мен Ирландияның «Сент-Патрикс Атлетик» клубы арасындағы қарсыластардың біріне қарсы ойнайды. Айта кетейік, «Астана» жаңа маусымдағы еурокубоктық жолын Лига конференциясының екінші кезеңінен бастап, Молдованың «Зимбру» клубын жалпы есеппен 3:1 есебімен ұтқан еді.
