Асланбек Шымбергенов құрамамен қайта жаттығуға кіріседі
Асланбек Шымбергенов. Фото: Olympic.kz
2023 жылғы әлем чемпионы, бокстан Қазақстан құрамасының бұрынғы капитаны Асланбек Шымбергенов ұлттық команда сапына қайта оралғысы келетінін мәлімдеді. Бұл туралы ол «AQYRYS SEITQAZY» YouTube арнасына берген сұхбатында айтты.
– Күзде Қазақстан чемпионаты өтеді. Сол турнирге мықтап дайындаламын. Содан кейін ұлттық құрамаға қайта оралсам деймін. Қазір 71 келі салмақ жоқ, сондықтан, бәлкім, 70 келіге ауысамын, – деді Шымбергенов.
2024 жылдың соңынан бері Шымбергенов құрама жарыстарына қатыспай келген. Бұл үзіліс оның жарақатына байланысты болған.
Айта кетейік, Асланбек Шымбергенов – 2023 жылы Ташкентте өткен әлем чемпионы, 2022 жылы Амманда өткен Азия чемпионы және Қазақстанның екі дүркін чемпионы (2014, 2017).
