Аружан Сағындықова Армениядағы турнирдің жекелей сынын аяқтады
Қазақстандық теннисші Аружан Сағындықова Арменияның Цахкадзор қаласында өтіп жатқан ITF W15 турнирінің жекелей сынындағы өнерін аяқтады, деп хабарлайды Pin-UpSport.kz.
Бірінші айналымда қазақстандық теннисші ресейлік Александра Хомитскаямен кездесті. Матч екі сетке созылып, Ресей өкілінің 6:2, 7:5 есебіндегі жеңісімен аяқталды.
Кездесу 1/16 финал кезеңі аясында өтті. Екінші айналымда Александра Хомитская тағы бір ресейлік теннисші Екатерина Агуреевамен ойнайды.
Жекелей сында жеңілгеніне қарамастан, Аружан Сағындықова турнирдегі жарысын жұптық сында жалғастырады. Ширек финалда ол өзбекстандық Севиль Юлдашевамен бірге Анна Баздерова — Александра Хомитская жұбына қарсы кортқа шығады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
