Артур Шушеначев «Хапоэльмен» келісімшартты бұзды: елге орала ма?
Фото: ФК Сочи
Қазақстан құрамасының шабуылшысы Артур Шушеначев алдағы уақытта ел чемпионатына қайта оралуы ықтимал, деп хабарлайды Pin-Upsport.kz.
27 жастағы ойыншы Израильдің «Хапоэль» (Беэр-Шева) клубымен келісімшартты бұзып, қазір туған командасы «Таразбен» бірге жаттығып жүр.
Ақпарат көздерінің жазуынша, оның мансабын жалғастырудағы ең ықтимал нұсқа – Қазақстан Премьер-лигасына оралу. Қазіргі таңда Артур бабын жоғалтпау үшін жаттығуын жалғастырып жатыр.
Өткен маусымды ол Ресейдің «Сочи» клубында жалдамалы негізде өткізді. Онда 13 ойында алаңға шығып, екі гол соқты және екі нәтижелі пас берді. Қазір футболшының трансферлік құны – 450 мың еуро. Ол 2024 жылдың ақпанында «Қайраттан» «Хапоэльге» 232 мың еуроға ауысқан болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
