«Ақтөбе» Варшавада жеңіліп қалды
Фото: Getty Images
Польшаның астанасында өткен Конференциялар лигасының іріктеу кезеңіндегі алғашқы ойында «Ақтөбе» жергілікті «Легия» клубынан 0:1 есебімен жеңілді, деп хабарлайды Pin-UpSport.kz.
Кездесу «Войска Польского» стадионында өтті. Бірінші минуттардан-ақ алаң иелері шабуылға кірісті. Алайда қонақтар да қауіпті сәт жасап үлгерді — Оралхан Өміртаев қақпашымен бетпе-бет шығып, гол соққан еді. Бірақ бұл эпизод VAR арқылы қайта қаралып, офсайд тіркелді. Көп ұзамай Ваган Бичахчян алыстан бағыттаған добымен есеп ашты.
Екінші таймда қос команда да бірнеше мүмкіндікке ие болды, дегенмен есеп өзгермеді. Қарымта кездесу келесі аптада Қазақстанда өтеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
