«Ақтөбе» мәскеулік ЦСКА-мен жолдастық матч өткізеді
Фото: Ақтөбе ФК
«Ақтөбе» футбол клубы Қобыланды батыр атындағы Орталық стадионның 50 жылдығына орай Мәскеудің ЦСКА командасымен жолдастық матч өткізеді. Бұл туралы Ермұхамед Мәулен хабарлады.
Оның айтуынша, екі тарап арасында келіссөздер өтіп, матчты ұйымдастыру туралы уағдаластық жасалған. Мәскеулік клубтың таңдалуы бекер емес: 1975 жылы стадион дәл осы «Ақтөбелік» пен ЦСКА арасындағы кездесумен ашылған болатын. Ол ойында ЦСКА 1:0 есебімен жеңіске жеткен.
Биыл жазда «Ақтөбе» мен ЦСКА тарихи алаңда қайта кездесіп, ерекше мерейтойды атап өтпек.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
