Антонелли Монако Гран-приінде жеңіске жетіп, сериясын жалғастырды
19 жастағы Кими Антонелли Монако Гран-приінің жеңімпазы атанып, «Формула-1» маусымындағы қатарынан бесінші жеңісіне қол жеткізді, деп хабарлайды Pin-UpSport.kz.
Екінші орынды жеті дүркін әлем чемпионы, «Феррари» командасының өкілі Льюис Хэмилтон иеленді. Ал үздік үштікті «Ред Булл» пилоты Исак Хаджар түйіндеді.
Жарыстың басты оқиғаларының бірі төрт дүркін әлем чемпионы Макс Ферстаппеннің мерзімінен бұрын жарыстан шығып қалуы болды. Нидерландтық спортшы екінші орыннан бастаса да, мәреге жете алмады.
Өз жанкүйерлері алдында сынға түскен Шарль Леклер үшін де жарыс сәтсіз аяқталды. «Феррари» пилоты жүлделі орын үшін күресіп келе жатқанымен, мәреге 12 айналым қалғанда қателік жіберіп, 66-айналымда қоршауға соғылды.
Осы жеңістің арқасында Антонелли маусымдағы жеңісті сериясын бес жарысқа дейін ұзартты. Жас пилот қазіргі чемпионаттағы ең тұрақты нәтижелердің бірін көрсетіп келеді.
