Амир Омарханов алғаш рет ересектер арасындағы Қазақстан чемпионатының финалына шықты
Амир Омарханов. Фото: пресс-служба ФТК
Астанадағы ұлттық теннис орталығы Beeline Arena-да ересектер арасындағы жазғы Қазақстан чемпионатының алғашқы финалисі анықталды.
ITF Juniors рейтингінде әлемнің 23 сатысында тұрған Амир Омарханов ел біріншілігінің жартылай финалында тартысты ойында Ислам Орынбасарды 6:2, 4:6, 6:3 есебімен жеңіп, финалға жолдама алды. Айта кетейік, Ислам Орынбасар – АҚШ-тың Алабама штатындағы William Carey University колледжінің студенті. Ол бұл оқу орнында екі жыл қатарынан үздік теннисші атанған.
Финалда Амир Григорий Ломакин мен Тимур Мауленов арасындағы кездесудің жеңімпазымен кездеседі.
