Америкалық боксшы Жәнібек Әлімханұлын жекпе-жекке шақырды
Джахай Такер. Фото: Fightmag
Орта салмақта өнер көрсететін америкалық боксшы Джахай Такер (14–1–1, 6 KO) біріккен әлем чемпионы Жәнібек Әлімханұлымен Қазақстанда жұдырықтасқысы келетінін мәлімдеді. Бұл туралы ол Tha Boxing Voice басылымына берген сұхбатында айтты.
«Маған 24–25 жасқа толғанша Жәнібекпен айқасу керек. Мен оның еліне барамын, белбеулерін алып, үйіме қайтамын», – деді 22 жастағы боксшы.
Айта кетейік, Такер соңғы жекпе-жегін 5 сәуірде Лас-Вегаста өткізіп, британдық Трой Уильямсонды төрешілер шешімімен жеңген болатын. Дәл сол күні Астанада Жәнібек француз Анауэль Нгамиссенгені бес раундта тоқтатып, IBF және WBO чемпиондық белбеулерін қорғап қалды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Қазақстан УЕФА Суперкубогын өткізуден мүдделіКелесі мақала:
Ельшат Нығметолла мен Армат Арманұлы Таиландта жекпе-жек өткізеді