Әліби Ыдырыс UFC-де жекпе-жек өткізеді: қарсыласы әзірге белгісіз
Naiza FC ұйымының бұрынғы чемпионы, қазақстандық файтер Әліби Ыдырыс UFC-дегі алғашқы жекпе-жегіне дайындалып жатыр, деп хабарлайды Pin-UpSport.kz.
Қарсыласының аты аталмай отыр, ал жекпе-жекке қатысты өзге мәліметтер құпия сақталуда.
Инсайдер дерегіне сүйенсек, UFC басшылығы екі тарапқа да алдағы кездесуге байланысты ақпарат таратпау жөнінде ескерткен. Сол себепті Идристің дебюті әзірге жұмбақ күйінде қалуда.
Айта кетейік, Әліби Ыдырыс UFC ұйымдастырған «The Ultimate Fighter» реалити-жобасына қатысқан алғашқы қазақстандық. Ширек финалда ол өзбек спортшысы Фурқатбек Якубовты жеңіп шыққан.
Ол соңғы рет 2024 жылдың мамыр айында бразилиялық Эдильсон Сантушпен жұдырықтасып, жеңіске жеткен болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
