Али Ахмедов ауыр жеңілістен кейін жаттығуға қайта кірісті
Али Ахмедов. Фото: Getty Images
Екінші орта салмақта жұдырықтасатын қазақстандық боксшы Али Ахмедов (23-2, 17 КО) үзілістен кейін жаттығуға қайта оралды. Бұл туралы Жанқош Тұраров өзінің Instagram парақшасында жариялады. Суретте ол Али мен бапкер Сагатбек Мұсахановпен бірге жаттығу залында түсіп тұр. Жазбада қысқа ғана: «Жаттығу лагері» делінген.
Айта кетейік, 28 ақпан күні Астанада өткен жекпе-жекте Ахмедов күтпеген жерден поляк боксшысы Мачей Сулецкийден (33-3, 13 КО) техникалық нокаутпен жеңіліп қалған еді. Бұл кездесу WBC Silver белбеуі үшін өткен болатын. Осы жеңілістен кейін Али біраз уақытқа бокстан алыстаған.
Қазіргі таңда оның рингке нақты қашан оралатыны және келесі қарсыласы кім болатыны белгісіз.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
