Александр Шевченко: «Өз алаңымда жеңіске жетпеу мүмкін емес»
Александр Шевченко. Фото: пресс-служба ФТК
Әлемнің 91-ракеткасы Александр Шевченко Алматыда өтіп жатқан ATP 250 турниріндегі алғашқы кездесуінен кейін әсерімен бөлісті, деп хабарлайды Pin-Upsport.kz Федерацияның баспасөз қызметіне сілтеме жасап.
«Маған басында сәл қиын болды, қарсылас шешуші сәттерде сызық бойымен тамаша доп беріп, оң қолмен керемет соққылар жасады. Бұрышты болжау мүмкін болмады — өте қуатты ойнады. Бірақ оған да ризамын, маңызды сәттерде жақсы өнер көрсетті. Ал өз подачамда алғашқы матчболды пайдаланып, ойынды аяқтай алдым. Шағымым жоқ», — деді Шевченко.
Енді Александрдi екінші айналымда ауыр сынақ күтіп тұр — ол француз теннисшісі Корентин Мутемен кездеседі.
«Бұл — өте қауіпті қарсылас, әрқашан қиындық туғызады. Бірақ мен өз елімде ойнап жатырмын, бұл — ерекше мотивация. Алматының жанкүйерлері керемет қолдау көрсетіп жатыр, сол үшін барымды салып, жеңіске жетуге тырысамын», — деді қазақстандық теннисші.
Айта кетейік, Александр Шевченко өз алаңындағы алғашқы ойында сербиялық Ласло Джерені 7:6 (7:1), 7:6 (14:12) есебімен ұтып, келесі кезеңге жолдама алды.
