Александр Шевченко Аделаидадағы турнирдің ширек финалына жолдама алды
Фото: НОК РК
Әлемнің 104-ракеткасы Александр Шевченко Аустралияның Аделаида қаласында өтіп жатқан ATP турнирінде сәтті өнер көрсетіп, жарыстың ширек финалына шықты, деп хабарлайды Pin-UpSport.kz. Қазақстандық теннисші маусым басындағы тұрақты ойынымен көзге түсіп, хард жабынындағы сенімді формасын дәлелдеуде.
Аделаидадағы турнир теннис күнтізбесінде маңызды орын алады және Australian Open қарсаңындағы негізгі дайындық кезеңдерінің бірі болып саналады. Александр Шевченко үшін бұл жарыс рейтингтік ұпай жинау және жоғары деңгейдегі қарсыластармен тәжірибе алу тұрғысынан ерекше маңызға ие. Турнирдің алғашқы кезеңінде ол босниялық Дамир Джумхурды жеңіп, мықты мінез көрсетті. Бірінші сетте жеңілгеніне қарамастан, қазақстандық спортшы кездесудің барысын өзгертіп, 4:6, 6:4, 7:5 есебімен жеңіске жетті.
1/8 финалда Шевченкоға әлемдік рейтингте 55-орында тұрған венгриялық Мартон Фучович қарсылас болды. Алғашқы партияда Александр ойынды толық бақылауда ұстап, қарсыласының қателіктерін тиімді пайдаланды және сетті 6:3 есебімен аяқтады. Екінші сетте тартыс күшейді, Фучович бірнеше мәрте алға шыққанымен, шешуші сәттерде Шевченко сабыр сақтап, партияны тай-брейкте өз пайдасына шешті — 7:6.
Осы жеңістің арқасында Александр Шевченко турнирдің ширек финалына жолдама алды. Бұл кезеңде оны рейтингте 36-орында тұрған француз теннисшісі Юго Эмбер күтіп тұр. Аделаидадағы табысты ойын Шевченконың жаңа маусымға жоғары деңгейде дайын екенін көрсетіп, алдағы ірі турнирлерде де жақсы нәтиже көрсетуге мүмкіндік береді.
Айбар Рысдаулет
Жалғас Жұмағұлов Oktagon лигасының үздік үш жауынгерінің қатарына енді
«Қайраттың» қорғаушысы Азия клубына ауысуы мүмкін