Александр Бублик US Open-2026 турнирінде теннис аңызымен жұптасады
Александр Бублик. Фото: пресс-служба ФТК
Қазақстанның бірінші ракеткасы Александр Бублик US Open-2026 турнирінің аралас жұптық сынында өнер көрсетеді, деп хабарлайды Pin-UpSport.kz.
Қазақстандық теннисшінің серіктесі «Үлкен дулыға» турнирлерінің жеті дүркін чемпионы Винус Уильямс болады. Бұл жұп 3 тамыз күні турнир ұйымдастырушылары жариялаған аралас жұптардың жаңартылған тізіміне енді.
Винус Уильямс жекелей сындағы жеті чемпиондық атағынан бөлек, сіңлісі Серена Уильямспен бірге жұптық сында «Үлкен дулыға» турнирлерінің 14 титулын жеңіп алған. Ол әлемдік теннис тарихындағы ең атақты спортшылардың бірі саналады.
US Open-2026 турнирінің аралас жұптық бәсекесі 25–26 тамыз күндері Нью-Йоркте өтеді. Ұйымдастырушылар қатысушылардың соңғы тізімі әлі де өзгеруі мүмкін екенін атап өтті.
