Әлімханұлы франциялық қарсыласын сұлатып, мансабындағы ең қомақты сыйақыға қол жеткізді
Жанибек Алимханулы. Фото: Vesti.kz
2025 жылдың 5 сәуірінде Астанада өткен үлкен бокс кешінде Жәнібек Әлімханұлы франциялық Анауэль Нгамиссенгемен жұдырықтасып, бесінші раундта техникалық нокаутпен жеңіске жетті.
Жекпе-жек орта салмақтағы WBO мен IBF белбеулерін қорғау аясында өтті. Бұл кездесу тек спорттық маңызы жағынан емес, қаржылай тұрғыда да Әлімханұлы үшін ең табыстысы болды: ол кемі 500 мың доллар қалтасына басады, ал PPV көрсеткіштері жоғары болса, табысы 3 миллион долларға дейін өсуі мүмкін.
Жәнібектің кәсіби мансабындағы қаржылық серпілісі 2022 жылдан басталған. Ол кезде Дэнни Дигнумды нокаутпен ұтып, алғашқы чемпиондық белбеуін жеңіп алды. Содан бері әрбір жекпе-жегімен табысын еселеп келеді.
Қазірге дейінгі жалпы табысы 4,5 миллион доллардан асып кетті.
