Абиба Абужақынова Душанбеде «Гранд Слэмнің» қола жүлдегері атанды!
Абиба Абужакинова. Фото: Getty Images
Қазақ дзюдошысы Абиба Абужақынова Тәжікстан астанасы Душанбеде өткен беделді «Гранд Слэм» турнирінде қола жүлде иеленді. 48 келі салмақ дәрежесінде үшінші орын үшін белдесуде ол өзбекстандық Улбусин Хакимованы жеңді.
Абиба үшін бұл – «Гранд Слэм» турнирлеріндегі тоғызыншы қола медаль. Бұған дейін ол 2024 жылы Ташкентте күміс жүлде алған болатын. 2025 жылы бұл – оның екінші турнирі: наурыз айында ол Австриядағы «Гран-при» жарысында топ жарған еді.
Душанбеде өткен жарыстың алғашқы күнінде Абиба Қазақстаннан финалдық кезеңге жеткен жалғыз спортшы болды. IJF World Tour күнтізбесіндегі ең беделді турнир – «Гранд Слэм». 2025 жылы тоғыз турнир өтеді, ал келесі кезең 9-11 мамырда Астанада ұйымдастырылады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
«Атырау» – «Астана» матчындағы даулы сәттерге КФФ түсініктеме берді: бір қате, екі дұрыс шешімКелесі мақала:
Жанкүйерлер Канелодан Головкинмен қарымта жекпе-жекті талап етті