Елдос Сметов Лос-Анджелестегі Олимпиадаға қатыспақ
Елдос Сметов
Олимпиада чемпионы Елдос Сметов спорттық жолын жалғастырып, 2028 жылы Лос-Анджелесте өтетін жазғы Олимпиадаға қатысатынын мәлімдеді, деп хабарлайды Pin-UpSport.kz.
Instagram парақшасында жариялаған жазбасында спортшы былтыр Парижде жеңіп алған алтын медаль жайлы әсерімен бөлісті.
«Бұл — әр құлау мен ауыр сәттердің, денең тыңдамаса да жаттығуға барған таңдардың жемісі», — деді ол.
Сметов сол жеңістен кейін алғаш рет жай ғана ұл, жар, дос болуға мүмкіндік туғанын айтып өтті. Енді ол сол сезімді қайта бастан кешкісі келетінін, бұл жолы ел үшін, отбасы мен өз арманы үшін күресетінін жеткізді.
Шілде айының басында Елдос Сметовтің 4–7 қыркүйек аралығында Испанияның Мостолес қаласында өтетін халықаралық оқу-жаттығу жиынына қатысатыны белгілі болды.
