Әліби Ыдырыс The Ultimate Fighter жобасының жартылай финалындағы қарсыласын білді
UFC ұйымдастыратын The Ultimate Fighter шоуының 33-маусымының алтыншы бөлімінде қазақстандық файтер Әліби Ыдырыс жартылай финалда кіммен жұдырықтасатыны анықталды, деп хабарлайды Pin-UpSport.kz.
Ширек финалдың соңғы айқасында Чейл Сонненнің шәкірті Ройберт Эчеверриа (10–2) Даниэль Кормьенің командасынан шыққан Тумело Маньямаланы (6–1) екінші раундта “гильотинамен” жеңіп, келесі кезеңге өтті. Енді ол Әліби Ыдырысқа қарсы шығады.
Екінші жартылай финалда Джозеф Моралес (12–2) пен Иманол Родригес (5–0) күш сынасады. Сонымен қатар жартылай орта салмақтағы жекпе-жектер жалғасып жатыр: Родриго Сезинандо мен Диего Бьянкини финал жолдамасына таласады.
Айта кетейік, TUF жобасының жеңімпаздары UFC-дің ресми турнирінде өнер көрсету құқығына ие болып, промоушенмен келісімшартқа отырады.
