Дастан Амангелді чемпиондық атағын сәтті қорғады
Фото: NAIZA
Семей қаласындағы «Абай Аренада» өткен Naiza FC 74 турнирінде жеңіл салмақтағы белдік сарапқа салынды, деп хабарлайды Pin-UpSport.kz.
Бұл кештің тең басты жекпе-жегінде Дастан Амангельды мен промоушенге жаңадан қосылған Хусанбой Исоходжаев күш сынасты. Амангельды осыған дейінгі кәсіби мансабын толығымен NFC ұйымы аясында өткізіп, 8 жеңіс және 1 жеңіліспен келген.
Ол 2023 жылдың ақпанында алғаш рет жеңіліп, содан кейін қатарынан үш рет қарсыластарынан басым түсті. 2024 жылдың қарашасында Вячеслав Свищевке қарсы өткен соңғы жекпе-жекте де жеңіс тойын тойлап, чемпиондық атағын қорғап қалған болатын.
Бұл жолы да белдік сол иесінде қалды. Исоходжаевпен болған кездесуде Дастан екінші раундта тұншықтыру әдісін қолданып, айқын жеңіске жетті.
Айбар Рысдаулет
Резников ACA 188 турнирінде Шайхаевқа есе жіберді
Асылжан Бақытжанұлы ACA 188 турнирінде жеңіліп қалды