Иэн Гэрри: «Шавкат – мықты, бірақ мен де осал емеспін»
Фото: Getty Images
Ирландиялық UFC жекпе-жекшісі Иэн Гэрри Talksport басылымына берген сұхбатында Шавкат Рахмоновпен болған жекпе-жек туралы пікір білдірді. 2024 жылдың желтоқсанында Лас-Вегаста өткен кездесуде Рахмонов төрешілердің бірауызды шешімімен жеңіске жеткен еді.
Гэрридің айтуынша, жеңіліс оған керісінше сенімділік берген:
«Оның қаншалықты мықты екенін білдім, өйткені біз Америкада бірге жаттыққанбыз. Бірақ жаттығу мен октагон – екі бөлек дүние. Мен сол кезде-ақ сенгенмін: мен – апсет жасай алатын жігітпін».
Ол бұл кездесудің Рахмоновқа деген жұрттың көзқарасын өзгерткенін айтты:
«Көп адам: “Мүмкін, Гэрри ойлағаннан да мықты шығар, ал Шавкат – аса да таңғаларлық емес” деп ойлады. Мен оны әдеттегі адам ретінде көрсеттім. Менің өнерім керемет болды. Келесі жолы екеуміз қайта кездескенде, мен оны жеңемін. Бұл – уәде».
Қазір Иэн Гэрри UFC-дің жартылай орта салмақтағы рейтингінде 7-орында тұр.
Айбар Рысдаулет
Роман Старченко — Қазақстан құрамасының жаңа рекордшысы
Эйндховенде өтетін додада қазақ былғары қолғап шеберлері жұдырықтасады