Бублик «Ролан Гарростағы» сәтті нәтижесінен кейін рейтингте жоғары көтерілді
Фото: Getty Images
Қазақстандық теннисші Александр Бублик «Ролан Гаррос – 2025» турниріндегі сәтті өнерінің арқасында ATP рейтингінде бірден 19 сатыға жоғары көтеріледі.
Осы жолы ол ширек финалға дейін жетіп, әлемнің бірінші ракеткасы Янник Синнерге 1:6, 5:7, 0:6 есебімен жол берді. Бұл нәтижесі үшін Бублик 400 рейтингтік ұпай жинады.
Өткен жылы екінші айналымда жарыс жолынан шығып қалған Александр сол кезде небәрі 50 ұпай алған еді.
Жаңа ұпайлар есебінен Бубликтің ендігі көрсеткіші 1265-ке жетіп, ол әлемдік рейтингте 43-орынға тұрақтайды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Кубалық мықты Жәнібекке қарсы шығуға дайынКелесі мақала:
Балауса Муздиман 6 маусымда шаршы алаңға шығады