Қазақстандық хоккейші АҚШ клубына ауысты
Фото: Getty Images
Қазақстан құрамасының қақпашысы Максим Павленко хоккейдегі мансабын Солтүстік Америкада жалғастырады. 22 жастағы голкипер AHL-дегі «Уилкс-Барре/Скрантон Пингвинз» клубымен келісімшартқа отырды. Бұл команда әйгілі «Питтсбург Пингвинздің» фарм-клубы саналады.
Жақында өткен әлем чемпионатында Павленко Қазақстан қақпасын жеті ойында да қорғап, 88,1 пайыздық көрсеткішке қол жеткізген еді. Оның сенімді ойыны халықаралық деңгейде де назарсыз қалған жоқ.
2024/25 жылғы маусымда Максим Ресейдің «Рязань-ВДВ» клубы сапында ойнаған. ВХЛ аясында жеті матч өткізіп, қақпаға бағытталған соққылардың 90,1 пайызын қайтара білді. Енді Павленко үшін НХЛ жүйесі – жаңа сынақ пен үлкен мүмкіндік болмақ.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
