«UFC-ге қазақша стильмен барамын»: Әліби Ыдырыс The Ultimate Fighter жобасына қатысып жатыр
Алиби Идрис. Фото: Naiza
UFC-дің ресми сайты қазақстандық файтер Әліби Ыдырыстың The Ultimate Fighter реалити-жобасына қатысып жатқанын хабарлады. Ең жеңіл салмақта өнер көрсететін спортшы Дэниел Кормье мен Чейл Соннен секілді аты аңызға айналған бапкерлердің жетекшілігімен жаттығады.
Әліби – кәсіпқой мансабында жеңіліп көрмеген, рекорды – 10:0. Ол панкратионнан Қазақстанның үш дүркін чемпионы. Жас спортшының басты мақсаты – The Ultimate Fighter жобасынан өтіп, UFC-де ел намысын қорғау.
«Мен The Ultimate Fighter арқылы UFC-ге өтіп, сол жерде тұңғыш қазақ спортшысы болғым келеді» – дейді Әліби Ыдырыс.
Оның айтуынша, шабыт берген спортшылар қатарында Шавкат Рахмонов, Асу Алмабаев, сондай-ақ Хабиб Нурмагомедов пен Ислам Махачев бар. Әліби өз жекпе-жек мәнерін «қазақша стиль» деп атап, оны UFC-де алғаш болып көрсеткісі келеді.
Айбар Рысдаулет
Астанадағы ALASH PRIDE-108 турниріне UFC жұлдыздары жиналады
Азияны бағындырған боксшылар: Қазақстан U22 чемпионатында топ жарды