Астанадағы ALASH PRIDE-108 турниріне UFC жұлдыздары жиналады
Дамир Исмагулов. Фото: Zuffa LLC via Getty Images
27 мамыр күні Астанада аралас жекпе-жектен ALASH PRIDE-108 турнирі өтеді. Бұл шоу – лиганың 15 жылдығына арналған ерекше оқиға. Турнир Жақсылық Үшкемпіров атындағы жекпе-жек сарайында өтеді.
Бас кардта Қазақстанның танымал спортшылары мен UFC-де өнер көрсеткен әлемдік деңгейдегі файтерлер жекпе-жекке шығады. Кештің басты жұлдыздары – Дамир Исмагулов, Қайрат Ахметов, Арман Оспанов пен UFC-дің бұрынғы чемпиондары Алджамейн Стерлинг пен Ренан Барао.
«2010 жылы алғашқы турнирлерді бастағанда, бұл жобаның осындай деңгейге жететініне ешкім сенбеген еді. Бүгінде ALASH PRIDE – халықаралық брендке айналды. Бұл – бір команда мен бір идеяның жемісі», – дейді лига негізін қалаған Данияр Қасқарауов.
Турнирге арнайы қонақ ретінде Олимпиада чемпионы Генри Сехудо мен UFC жұлдызы Дэйвисон Фигередо келеді. ALASH PRIDE-108 турнирі отандық ММА тарихындағы ең ірі және есте қаларлық шара болмақ.
