Монреаль турнирінің сыйақысы белгілі болды: Алмахан жеңісі үшін қанша алды?
Бекзат Алмахан. Фото: Zuffa LLC
Канадада өткен UFC 315 турнирінен кейін файтерлерге төленген сыйақы көлемі жарияланды. Жалпы сома – 310 500 доллар. Бұл қаражат UFC-дің арнайы PGC бағдарламасы аясында бөлінді. Бағдарлама спортшылардың киім үлгісіне, медиамен жұмыс істеу тәртібіне және басқа да ережелерге қатысты талаптарды қамтиды.
Көп қаржы алғандардың қатарында Белал Мұхаммед пен Валентина Шевченко бар – екеуі де 42 мың доллардан иеленді. Қазақстандық Бекзат Алмахан UFC-дегі дебюті үшін 4 000 доллар алды. Оның қарсыласы Брэд Катона – 6 000.
Айта кетейік, бұл бағдарлама Venum брендінің демеушілігімен қаржыландырылады. Жекпе-жекшілерге төленетін сома UFC, сондай-ақ Zuffa басқарған WEC пен Strikeforce ұйымдарындағы жекпе-жектер санына байланысты есептеледі.
Айбар Рысдаулет
«Ертістің» тізгіні кімге бұйырады?
Нұралы Әліп: «Былтырғы жағдай есіме түсіп, уайымдап қалдым»