Бекзат Алмахан UFC-де жылдам нокаутпен жеңіске жетті
Бекзат Алмахан. Фото: Zuffa LLC
Қазақстандық ММА спортшысы Бекзат Алмахан UFC аясындағы алғашқы жеңісіне қол жеткізді. Ол Монреаль қаласында өткен UFC 315 турнирінде канадалық Брэд Катонаны жекпе-жектің алғашқы минуттарында-ақ техникалық нокаутпен жеңді.
Бекзат пен Брэд арасындағы айқас үш раундқа жоспарланғанымен, екінші минутқа жетпей-ақ аяқталды. Алмахан қарсыласының шабуылын тойтарып, кері бағытта дәл апперкотпен ұрып түсірді. Катона еденге құлағаннан кейін, Бекзат бірнеше соққы жасап үлгерді, ал төреші жекпе-жекті дереу тоқтатты.
Бұл – Бекзаттың UFC-дегі екінші жекпе-жегі. Бұған дейін ол 2024 жылы Умар Нурмагомедовпен кездесіп, төрешілер шешімімен ұтылған болатын. Қазір оның кәсіби рекорды – 12 жеңіс, 2 жеңіліс.
Катона үшін бұл – мансабындағы алғашқы уақытынан бұрынғы жеңіліс. Ол бұған дейін 14 жекпе-жекте жеңіске жетіп, тек 4 рет ұтылған. Айта кетерлігі, Катона – The Ultimate Fighter шоуын екі мәрте жеңіп алған жалғыз спортшы.
Айбар Рысдаулет
Қазақстан дзюдошылары Астанадағы Grand Slam-да жарқырады
UFC Бекзаттың нокаутын ерекше бағалады