Каршыға Даутбек American Top Team командасына қосылды
Каршыга Даутбек. Фото: thomi40_sports/Instagram
Жапонияның Rizin лигасында өнер көрсетіп жүрген қазақстандық спортшы Каршыға Даутбек Майамидегі әйгілі American Top Team залымен келісімшартқа отырды. Бұл туралы АҚШ-та тұратын әрі қазақстандық спортшыларға көмектесіп жүрген Денис Милованов хабарлады.
«Бүгін біздің бауырымыз Каршыға әлемдегі ең мықты залдардың бірі – American Top Team-мен келісімшартқа қол қойды. Енді ол осы үлкен отбасының мүшесі», – деп жазды Милованов Instagram парақшасында.
ATT залында қазір UFC-дің үздік файтерлері жаттығады: Дастин Порье, Арман Царукян, Алешандре Пантожа сынды жұлдыздар бар. Каршыға өз мансабында қатарынан 10 рет жеңіске жетті, жалпы рекорды – 18 жеңіс пен 3 жеңіліс. Соңғы айқасында экс-чемпион Чихиро Сузукиді жеңіп, Rizin-дағы үшінші жеңісін тіркеді.
Алдағы жекпе-жегінде титул сарапқа салынады деп күтілуде. Қазір Каршыға 66 келіде сынға түсіп жүр, алайда 61 келіге түсу мүмкіндігін де қарастырып жатыр.
Айбар Рысдаулет
Қазақ таеквондошылары Азия чемпионатынан жеті медальмен оралды
Мейірім Нұрсұлтанов Жәнібек Әлімханұлымен жұдырықтасуға дайын екенін мәлімдеді