«Барселона» Холандты алуды жоспарлап отыр: рекордтық трансфер күтілуде
Фото: Getty Images
«Барселона» клубы «Манчестер Ситидің» норвегиялық шабуылшысы Эрлинг Холандты сатып алуға жоспар құрды, деп хабарлайды ManagingBarca. Каталондықтар 24 жастағы футболшыны 36 жасқа келген Роберт Левандовскидің орнына басты үміткер санап отыр. Левандовскидің келісімі 2026 жылы аяқталады.
Холандтың трансфері дәл сол 2026 жылы жүзеге асуы мүмкін. Себебі клуб сол уақытта жаңа демеушілермен келісімшартқа отырып, қажетті қаржылық қолдау алады деп болжануда. Қанша қаржы жұмсалатыны айтылған жоқ, бірақ бұл келісім «Барселонаның» тарихындағы ең қымбат трансфер болатыны мәлім.
Қазіргі уақытта каталондықтардың ең қымбат сатып алулары – Филиппе Коутиньо мен Усман Дембеле. Екеуі үшін клуб 135 миллион еуродан төледі. Холанд биылғы маусымда «Сити» сапында 40 ойын өткізіп, 30 гол соғып, 4 нәтижелі пас берген.
Айбар Рысдаулет
Қазақ былғары қолғап шеберлері WBA рейтингінде өз орындарын сақтады
«Кайраттың» жас шабуылшысы Еуропа мен Ресей клубтары қызығушылық танытуда