Клопп «Реалдың» тізгінін ұстай ма?
Юрген Клопп. Фото: Getty Images
«Ливерпульдің» бұрынғы бапкері Юрген Клопп Мадридтік «Реалмен» келіссөз жүргізуге дайын. Бұл туралы ағылшынның The Sun басылымы хабарлады. Ақпаратқа сенсек, Карло Анчелотти маусым соңына дейін клубтан кетуі мүмкін.
Испаниялық БАҚ Клоппты «Барселонаның» жаңа жобасын бастаған Ханс-Фликке қарсы тұратын идеалды маман ретінде көреді. Ал Клопптың өзі қазір Red Bull жүйесінде жұмыс істегенімен, бұл қызмет өзіне аса ұнамай жүргені айтылуда.
Неміс маманы жазда бапкерлік жұмысқа қайта оралуға ниетті. Ол «Ливерпуль» сапында тоғыз жыл еңбек етіп, Чемпиондар лигасы мен АПЛ-ды жеңіп алған болатын. Анчелоттидің кетуі туралы әңгіменің шығуына «Арсеналдан» ұтылған кездесу себеп болған. Sky Sports дерегінше, ол 26 сәуірде өтетін Кубок финалынан кейін қош айтысуы мүмкін.
Айбар Рысдаулет
Асанәлі Сәркенов NHL драфтына таңдалуы мүмкін
Мұхаммедсабыр Базарбайұлы Ресейдегі халықаралық турнирде қола жүлдегер атанды