Ресей құрамасы мен клубтары Еуропа турнирлеріне қашан оралады? Чеферин нақты айтты
УЕФА. Фото: NurPhoto via Getty Images
УЕФА президенті Александр Чеферин ресейлік клубтар мен ұлттық құраманың ұйым ұйымдастыратын турнирлерге әзірге қатыса алмайтынын нақты айтты. Бұл туралы ол Белградта өткен УЕФА конгресінде мәлімдеді.
— Ресей командаларына қатысты пікірімді бірнеше рет айтқанмын. Егер әлі де сұрақ болса, тағы да қайталайын: соғыс аяқталған соң ғана олар турнирлерге қайта оралады, — деді Чефериннің сөзін келтірген «Чемпионат» басылымы.
Айта кетейік, 2022 жылдың ақпанынан бері Ресей құрамасы мен ел клубтары халықаралық жарыстардан шеттетілген. Бұл шешімді УЕФА мен ФИФА бірлесе қабылдаған болатын.
Қазір Ресей құрамасы тек жолдастық кездесулермен шектеліп отыр. Наурыз айында олар Гренада мен Замбияға қарсы ойнап, қос матчта 10:0 есебімен жеңіске жетті.
Айбар Рысдаулет
Болат Заманбеков UFC үміткерімен жекпе-жекке шығады
Тікелей жолдамадан қағылған футзалдан Қазақстан құрамасы ФИФА рейтингінде төмендеді