Қазақстан UFC турнирі өтетін елдер тізімінде жоқ
UFC
UFC ұйымының халықаралық істер жөніндегі вице-президенті Брайан Шоу АҚШ-тан тыс өтетін жарыстар жайлы айтты. Оның сөзінше, ұйымның күнтізбесі алты-тоғыз ай бұрын жоспарланып қояды. Қазір басты назар – Ұлыбритания, Еуропа, Солтүстік Африка және Орта Азия елдеріне бағытталған. Бірақ Қазақстан бұл тізімде жоқ.
Францияда тікелей эфир уақыттарына шектеу бар. Сондықтан UFC болашақта телерадиохабар тарату келісімін қайта қарап, көбірек еркіндік алғысы келеді. Парижде түнгі турнир өткізуге мүмкіндік аз болғандықтан, француз спортшылары көбіне Канадада жұдырықтасады. Германиямен жаңа келісім жасалып, 2026 жылы турнир жоспарлануда. Ал Испанияда қызығушылық бар, бірақ жабық ареналар тапшы.
Шоу Бахрейн, Катар және Иорданияда турнир өткізу мүмкіндігін де қарастырып жатқанын жеткізді. Африкада – Оңтүстік Африка мен Руанда негізгі үміткерлер, бірақ логистика жағынан біраз қиындық болуы мүмкін. Нидерландта Амстердамда рұқсат алу қиын, ал Роттердамда турнир өтуі ықтимал. Польшада UFC серіктестерімен жақсы байланыс орнатқан.
Жаңа аймақтарды қамту жоспары қызу жүріп жатса да, Қазақстан туралы ештеңе айтылмады. Бұл отандық жанкүйерлерді ренжітуі мүмкін, өйткені олар мұндай ірі шараны көптен бері күтуде.
Айбар Рысдаулет
«Жәнібек – орта салмақтың үздігі»: Лиам Смит қазақстандық чемпионды мақтады
«Барыс» бапкерінің жалақы мөлшері белгілі болды