Этникалық қазақ файтері Қытайдағы ММА турнирінде жеңіске жетті
Нартай Козыбай
Қытайда тұратын аралас жекпе-жек шебері Нартай Қозыбай (10-0) ММА турнирінде жергілікті спортшы Ван Цзы Чжэньді (20-5) жеңіп, жеңімпаз атанды.
Бес раундқа жоспарланған жекпе-жек екінші раундта аяқталды. Нартай қарсыласына «кимура» әдісін сәтті қолданып, төреші кездесуді тоқтатуға мәжбүр болды. Бұл жеңіс Қозыбайдың кәсіби мансабындағы оныншы жеңісі болып, оны чемпиондық белбеуге бір қадам жақындатты.
2023 жылы Нартай мансабындағы ең жылдам жеңісіне қол жеткізген болатын. Ол бразилиялық Реджиналду Виейраны 52 секундта техникалық нокаутпен жеңді.
Ал 2024 жылы Қытайдағы танымал JUE CHENG KING турнирінде танымал тибеттік файтер Зи Уанды жеңіп, 140 мың доллар сыйақыға ие болды.
Айта кетейік, Нартай Қозыбай Қытайдың Іле Қазақ автономиялы облысына қарасты Күнес ауданында дүниеге келген.
