Кузнецовтың агенті хоккейшінің «Тракторға» оралу мүмкіндігіне қатысты пікір білдірді
Ресейлік хоккейші Евгений Кузнецовтың агенті Шуми Бабаев шабуылшының отбасындағы жағдай реттелгеннен кейін кез келген клубтың ұсынысын, соның ішінде Челябінің «Трактор» командасынан түсетін ұсынысты да қарастыруға дайын екенін айтты, деп хабарлайды Pin-UpSport.kz.
Бұған дейін Кузнецов әкесінің сырқатына байланысты тараптардың келісімімен Новосібірдің «Сибирь» клубымен келісімшартын бұзған еді. Кейін хоккейші ҚХЛ аясындағы «Трактор» мен «Амур» арасындағы матчты тамашалап, ойыннан соң алаң иелерінің киім ауыстыратын бөлмесіне барған. Осы жағдай оның туған клубына оралуы мүмкін деген пікірлерге себеп болды.
«Біз кез келген ұсынысты қарастыруға дайынбыз, бірақ қазір емес. Мұз айдынына келер алдында Евгений үш күн ұйықтамай, әкесінің жанында болды. Жағдай күрделі. Қалай шешілсе де, бұл Евгений үшін оңай шешім болмайды. Қазір бұл туралы айтуға әлі ерте», – деді Бабаев.
Кузнецов – «Вашингтон Кэпиталз» құрамында 2018 жылы Стэнли кубогын жеңіп алған және әлемнің екі дүркін чемпионы атанған хоккейші. ҚХЛ-де ол Челябінің «Трактор», Санкт-Петербургтің СКА және «Салават Юлаев» клубтарында өнер көрсетті.
