Ғалымжан Балабек жүзуден әлем кубогы кезеңінде Қазақстан рекордын жаңартты
Қазақстан құрамасының жүзушісі Ғалымжан Балабек Өзбекстанның Ташкент қаласында өтіп жатқан әлем кубогы кезеңінде ұлттық рекорд орнатты, деп хабарлайды Pin-UpSport.kz.
Қазақстандық спортшы 400 метрге еркін жүзу қашықтығын 3:47.13 нәтижесімен аяқтап, 12-орынға ие болды. Жүлдегерлер қатарына қосылмаса да, оның көрсеткіші Қазақстанның жаңа рекордына айналды.
Алтын медальді америкалық Карсон Фостер 3:37.39 нәтижесімен жеңіп алды. Бельгиялық Лукас Пьер А. Энво 3:37.74 уақыт көрсетіп, күміс жүлдеге ие болды. Оңтүстік Африка Республикасының өкілі Мэттью Колдуэлл 3:40.95 нәтижесімен үздік үштікті түйіндеді.
Ташкентте өтіп жатқан жүзуден әлем кубогы кезеңі 10 қазанға дейін жалғасады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
