Тамирлан Тлеулес таеквондодан Қазақстанға тарихи алтын әкелді
Қазақстанның таеквондодан ұлттық құрамасы Азия ойындарындағы алғашқы алтын медалін жеңіп алды. 58 келіге дейінгі салмақта сынға түскен Тамирлан Тлеулес Жапонияның Айти және Нагоя қалаларында өтіп жатқан жарыстың чемпионы атанды, деп хабарлайды Pin-UpSport.kz.
Финалда қазақстандық спортшы Курт Брайан Барбозамен кездесті. Тартысты жекпе-жекте Тлеулес мінез көрсетіп, жеңіске жетті. Осылайша, ол Қазақстанға таеквондодан Азия ойындарындағы тұңғыш алтын медальді сыйлады.
Бұған дейін Қазақстан таеквондодан Азия ойындарында үш рет финалға шыққан. Алайда үш жағдайда да спортшылар күміс медальмен шектелді. Феруза Ергешова Гуанчжоу-2010, Нұрсұлтан Мамаев Инчхон-2014, Жансель Дениз Джакарта-2018 ойындарында екінші орын алған.
Тлеулес тарихи жеңіске жету жолында Оман спортшысын жеңді. Ширек финалда қазіргі әлем чемпионы Абольфазл Зандиден басым түсіп, жартылай финалда Оңтүстік Корея өкілі Ан Хянсикті 2:1 есебімен жеңді.
