Видео: Елена Рыбакинаның Арина Соболенкодан басым түскен US Open финалына шолу
Елена Рыбакина US Open-2026 турнирінің чемпионы атанды. Нью-Йорктегі финалда Қазақстанның теннисшісі әлемнің бірінші ракеткасы Арина Соболенкомен кездесіп, үш сет қорытындысы бойынша 6:4, 5:7, 6:2 есебімен жеңіске жетті.
Назарларыңызға тарихи финалдағы ең маңызды сәттердің видео шолуын ұсынамыз. Елена матчты сәтті бастап, бірінші партияны 6:4 есебімен алды. Екінші сетте Соболенко таразы басын теңестіріп, 7:5 есебімен жеңді. Ал шешуші үшінші партияда Рыбакина қайтадан ойын тізгінін қолға алып, чемпиондық титулды жеңіп алды.
Финал 2 сағат 23 минутқа созылды. Осы уақыт ішінде қазақстандық теннисші 12 эйс жасап, бес қос қателікке жол берді. Сонымен қатар 12 брейк-пойнттың үшеуін пайдаланды. Соболенкодан басым түсу арқылы Елена US Open турниріндегі алғашқы чемпиондық атағын иеленді.
Нью-Йорктегі бұл жеңіс Рыбакинаның Үлкен дулығадағы үшінші титулы болды. Бұған дейін ол 2022 жылы Уимблдонды, ал 2026 жылдың басында Australian Open жарысын жеңген еді. Енді Елена US Open чемпионы атанып қана қоймай, WTA рейтингінде алғаш рет көш бастап, әлемнің бірінші ракеткасы болады.
