Ислам Махачев Иан Гарримен жекпе-жек туралы пікірін айтты
UFC ұйымының жартылай орта салмақтағы чемпионы Ислам Махачев ирландиялық Иан Гарримен өтетін алдағы жекпе-жекке қатысты ойын айтты, деп хабарлайды Pin-UpSport.kz.
MMA Fighting басылымына берген сұхбатында ресейлік файтер бұл кездесудің Хабиб Нурмагомедов пен Конор Макгрегор арасындағы текетірес секілді ерекше принципті мәні жоқ екенін жеткізді. Оның айтуынша, Гарри – кезекті қарсыласы ғана және бұл жекпе-жекті елдер арасындағы бәсекемен байланыстырмайды.
«Мен үшін бұл – кезекті қарсылас. Мұнда мемлекеттер арасында ешқандай тарих жоқ. Бірақ ирландиялық файтерлермен кездесулер туралы айтсақ, қазір есеп – 2:0. Осы жекпе-жектен кейін 3:0 болады деп үміттенемін», – деді чемпион.
Ислам Махачев келесі жекпе-жегін 16 тамыз күні Филадельфияда өтетін UFC 330 турнирінде өткізеді. Оның қарсыласы жеңілістің дәмін татпаған ирландиялық Иан Гарри болады. Махачев қазір UFC-дің жартылай орта салмақтағы чемпионы саналады, бұған дейін ол жеңіл салмақтағы титулды иеленіп, оны төрт рет сәтті қорғаған болатын.
