Қазақ дзюдошылары жастар арасындағы Азия чемпионатында 12 медаль жеңіп алды
Қазақстан құрамасы Иорданияның Амман қаласында өткен жастар арасындағы дзюдодан Азия чемпионатын 12 медальмен аяқтады, деп хабарлайды Pin-UpSport.kz.
Жарыс қорытындысы бойынша қазақстандық дзюдошылар бес алтын, төрт күміс және үш қола медаль жеңіп алды. Азия чемпионы атағын Айнара Сейтжанова (48 келіге дейін), Нұрбала Зайнұл (52 келіге дейін), Ролан Қайырғали (66 келіге дейін), Гүлсезім Тұрлыбек (78 келіге дейін) және Санжар Еруланов (100 келіге дейін) иеленді.
Күміс жүлдеге Дамеля Асылханова (63 келіге дейін), Ерасыл Ержанов (66 келіге дейін), Мұхамедәлі Закиров (73 келіге дейін) және Руслана Махатова (78 келіден жоғары) қол жеткізді.
Ал қола медальдарды Айзат Наукенова (48 келіге дейін), Айдана Әбиханова (63 келіге дейін) және Шынар Бітімбай (70 келіге дейін) еншіледі. Осылайша, Қазақстан құрамасы құрлық чемпионатын 12 жүлдемен қорытындылады.
