Арман Әшімов IBA Nomad 15 турнирінде UFC-дің бұрынғы спортшысын жеңді
Қазақстандық файтер Арман Әшімов IBA Nomad 15 турнирінің негізгі кардында жеңіске жетті, деп хабарлайды Pin-UpSport.kz. Оның қарсыласы UFC ұйымында жеңіліс көрмеген америкалық Джефф Молина болды.
Жекпе-жек толық қашықтыққа созылып, төрешілердің бірауызды шешімімен Арман Әшімовтің жеңісімен аяқталды. Қазақстандық спортшы кездесуді сенімді өткізіп, барлық раундтың қорытындысы бойынша қарсыласынан басым түсті.
Жекпе-жек аяқталғаннан кейін ұйымдастырушылар Арман Әшімовке IBA Bareknuckle чемпионы Искандер Зияевпен кездесу өткізуді ұсынды. Бұл ықтимал жекпе-жектің нақты уақыты мен өтетін орны әзірге жарияланған жоқ.
Айта кетейік, бұған дейін Арман Әшімов IBA Nomad 14 турнирінде Өзбекстан өкілін нокаутпен жеңген болатын. Ал Джефф Молинаға қарсы жеңіс қазақстандық файтердің ұйымдағы табысты сериясын жалғастырып, оның беделін одан әрі арттыра түсті.
