Қазақстандық теннисшілер Алматыдағы ITF J100 турнирінде чемпион атанды
Алматы қаласында ITF J100 санатындағы халықаралық жасөспірімдер турнирі мәресіне жетті, деп хабарлайды Pin-UpSport.kz. Жарыс 15-21 маусым аралығында ЦСКА теннис орталығының топырақ төсенішіндегі корттарында өтіп, оған 18 жасқа дейінгі спортшылар қатысты.
Аталған турнир ITF World Tennis Tour Juniors күнтізбесіне енгізілген және жас теннисшілерге әлемдік жасөспірімдер рейтингінде ұпай жинауға мүмкіндік береді. Жарыс барысында ұлдар мен қыздар арасында жекелей және жұптық сындағы жүлделер сарапқа салынды.
Ұлдар арасындағы жекелей сында сербиялық Дьордже Сапич жеңімпаз атанды. Қыздар арасындағы чемпиондық атақты Қытай өкілі Сяотун Ван иеленді. Ұлдардың жұптық бәсекесінде өзбекстандық Махмудбек Бекназаров пен Ахмаджон Тошмухамедов үздік нәтиже көрсетті.
Қазақстан үшін ең табысты нәтиже қыздардың жұптық жарысында тіркелді. Альбина Какенова мен Сатима Тореген турнир жеңімпазы атанып, ел қоржынына чемпиондық атақ сыйлады. Осылайша қазақстандық теннисшілер халықаралық жарысты маңызды рейтингтік ұпайлармен және жеңіспен аяқтады.
