Месси ӘЧ-2026 турнирінің үздік сұрмергені атануға басты үміткер атанды
Аргентина құрамасының капитаны Лионель Месси ӘЧ-2026 турнирінің үздік сұрмергені атануға басты үміткер саналады, деп хабарлайды Pin-UpSport.kz. Мұндай болжамды топтық кезеңнің екі турында өткен ойындардың қорытындысы бойынша FMD суперкомпьютерінің аналитикалық моделі жариялады.
Аргентиналық шабуылшы қазіргі әлем чемпионатында жоғары нәтижелілік көрсетіп келеді. Екі турдан кейін оның еншісінде бес гол бар және ол турнир мергендерінің тізімінде көш бастап тұр. Аргентина құрамасының сәтті ойыны мен Мессидің тұрақты нәтижесі оны жеке марапаттың басты фаворитіне айналдырып отыр.
Суперкомпьютер болжамына сәйкес, Месси турнирді жеті голмен аяқтауы мүмкін. Оның үздік сұрмерген атану ықтималдығы 47,2 пайыз деп бағаланған. Аргентина капитанының басты бәсекелестері ретінде Франция құрамасының шабуылшысы Килиан Мбаппе мен Норвегия құрамасының көшбасшысы Эрлинг Холанд аталып отыр. Болжам бойынша, екеуі де жарысты алты голмен аяқтайды. Мбаппенің үздік бомбардир атану мүмкіндігі 21,8 пайыз болса, Холандтың көрсеткіші 15,1 пайызға тең. Ал Криштиану Роналду турнирді үш голмен аяқтайды деп күтілуде.
Айта кетейік, Аргентина құрамасы екі турдан кейін плей-офф кезеңіне мерзімінен бұрын жолдама алып қойды. Егер Месси қазіргі қарқынын сақтап қалса, командасын кезекті жетістікке бастап қана қоймай, ӘЧ-2026 турнирінің үздік сұрмергені атағын да иеленуі мүмкін.
