Ақмарал Ерекешева Испаниядағы турнирде екі медаль жеңіп алды
Фото: НОК РК
Көркем гимнастикадан Қазақстан құрамасының өкілі Ақмарал Ерекешева Испания клубтық чемпионатында табысты өнер көрсетті, деп хабарлайды Pin-UpSport.kz.
Халықаралық жарыс Овьедо қаласында өтті. Қазақстандық спортшы бірден екі бағдарламада жүлдегерлер қатарына енді.
Шоқпармен жаттығуда Ерекешева 29,700 ұпай жинап, қола медаль иеленді.
Ал лентамен орындалатын бағдарламада қазақстандық гимнаст 27,600 ұпай алып, тағы бір қола жүлдені қоржынына салды.
Ақмарал жарыста «Gimnasia Chiclana» клубының құрамында өнер көрсетті.
Чемпионат қорытындысы бойынша қазақстандық спортшы өнер көрсеткен команда жалпы есепте төртінші орынға тұрақтады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
