Александр Бублик Женевадағы турнирдің ширек финалына шықты
Фото: Eurasia Sport Images
Қазақстанның бірінші ракеткасы Александр Бублик Женевада өтіп жатқан ATP-250 турнирін сәтті бастады, деп хабарлайды Pin-UpSport.kz. Қазақстандық теннисші жарыстың ширек финалына жолдама алды.
Бублик турнирде екінші нөмірмен тіркеліп, жарысты бірден екінші айналымнан бастады. Оның қарсыласы ATP рейтингінде 253-орында тұрған литвалық Эдас Бутвилас болды.
Қазақстандық теннисші матчта 6:4, 6:3 есебімен екі сетте жеңіске жетті. Кездесу 1 сағат 18 минутқа созылды. Осы уақыт ішінде Бублик төрт эйс жасап, төрт қос қателік жіберді және алты брейк-пойнттың екеуін пайдаланды. Сонымен қатар ол бірде-бір рет өз геймін берген жоқ.
Ширек финалда Александр Бублик франциялық Артур Риндеркнешпен кездеседі. Матч 21 мамыр күні Астана уақытымен 22:30-дан ерте басталмайды.
