Абат Айымбетов румыниялық «Петролулдан» кетуі мүмкін
Фото: Anadolu via Getty Images
Қазақстан құрамасының шабуылшысы Абат Айымбетов маусым аяқталғаннан кейін румыниялық «Петролул» клубынан кетуі мүмкін, деп хабарлайды Pin-UpSport.kz. Клуб басшылығы қазақстандық футболшымен келісімшартты ұзартпау нұсқасын қарастырып жатыр.
Румыниялық басылымдардың мәліметінше, «Петролул» жалақы қорын қысқартып, құрамды жаңартуды жоспарлап отыр. Келісімшартты тағы бір маусымға ұзарту мүмкіндігі болғанымен, клуб бұл тармақты пайдаланбауы мүмкін.
Айымбетов румыниялық клубқа биыл ақпан айында ауысқан еді. 29 жастағы шабуылшы Румыния чемпионатында тоғыз матч өткізіп, бір гол соқты.
Бұған дейін Абат Айымбетов «Ақтөбе», «Қайрат», «Астана», ресейлік «Крылья Советов» және түркиялық «Адана Демирспор» клубтарында өнер көрсеткен.
