Данил molodoy Голубенко өнер көрсеткен команда турнирден шығып қалды
Жартылай финал жолдамасы үшін өткен матч турнирдегі ең ұзақ әрі тартысты сериялардың біріне айналды, деп хабарлайды Pin-UpSport.kz. FURIA Esports пен Falcons арасындағы кездесу 4 сағат 23 минутқа созылды.
Қазақстандық мерген Данил molodoy Голубенко өнер көрсететін бразилиялық FURIA командасы матчты сәтті бастап, Mirage картасында 13:9 есебімен жеңіске жетті.
Алайда кейін Falcons ойын тізгінін өз қолына алды. Nuke картасында командалар бірнеше овертайм өткізіп, еуропалық ұжым 22:20 есебімен басым түсті. Ал жартылай финал тағдыры шешілген Dust2 картасында Falcons тағы да қосымша раундтарда жеңіске жетті — 19:17.
Команда турнирден шығып қалғанымен, Данил molodoy Голубенко жарыс барысында жоғары деңгейдегі ойын көрсетті. Қазақстандық ойыншы чемпионаттағы ең үздік көрсеткіштерінің бірін тіркеп, FURIA құрамындағы негізгі ойыншылардың біріне айналды.
